Sinan Mgoya, Mgofarkor Romawa Mgoḇesya Insa Sna Fawawi

Snonggaku ḇero dunya ine smam roi ḇepyum naḇe roi ḇeḇyeḇa ma roi ḇeḇyeḇa naḇe roi ḇepyum. (Yes 5:20) Sifrur roi Yahwe dayin na, isoine farḇakḇuk rofandu snon kuker snon ma bin kuker bin. Bati ro rumfarkor ḇaido ḇesesya imbude sifrowes romawa koḇesi fa sakso nyan ḇeḇyeḇa sena. Mboi moḇsa kofarkor romawa koḇesi fa spampum farawrowes ḇeraryanna kuker payamyum rai?

Farkor romawa besi roi Yahwe imarisen ma imewer na. (Im 18:3) Rofyor farkor si faro rosai Refo ikofen kuker seks, wawosna imnis fawawi ma umur sena oser-oser. (Ul 6:7) Wafuken manggundaw, ”Yafarkor romawa yesi kwar nyan sfasnai saswar ya, moḇ sisansun mnis si, ma fandun fa snonggaku ḇese sesyowi si ke? Romawa yesi sifawi rosai na sifrur kaku ya rofyor oso imbe fyasnai vidio ḇeḇyeḇa ḇaido sifrur roi ḇesasar Yahwe imewer na ke?” Romawa sifawi roi ine ido nari sikrenbur roi ḇemun na. (Ams 27:12; Pkh 7:12) Farkor romawa besi ido, nfasnai waswar si snar sima warisan ḇemaeja ro Yahwe I.​—Mz 127:3.

FASNAI VIDIO BAWES RUM ḆESAMBRAḆ MA ḆENAKO PDEF—MAMWAREK ROMAWA BEDI RO ”ROI ḆEḆARḆOR NA”, RAMNAI KWAREM FAKFUKEN ḆEUSER NANE:

• Rosai ḇefnai samswen fa sinan sya sfarkor romawa sesi kuker seks ya?

• Rosai ḇefnai fandun fa sinan sya sfarkor romawa sesi kuker ”farkarkor ma ananun ro Yahwe”?​—Ef 6:4

• Rosai Yahwe organisasi Ḇyedi fyasos fa byukifnoḇek sinan sya fa sfarkor romawa sesi kuker seks?​—w19.05 12, kotak

• Rosai ḇefnai fandun fa mgawos kuker romawa mgoḇesi ras ḇe ras rofyor samswen naisya ḇaime?