Wafrur Pyum Imbesrar Sya kuker Syowi

Refo ikofen snar fandun fa kofrur pyum naek srar ḇesinan kwar sya raris kma ma awin koḇedi, naek srar ḇebabo syadi sya raris eḇa ma kasun koḇedi. (Wasya 1 Timotius 5:1, 2.) Naek sya siso ḇepon kaku ḇefasnai sesyowi imbesrar sya.

Naek oso ipok ḇyenem awer imbesrar oso ḇaido ifrur rosai rirya ḇefrur imgake. (Ayb 31:1) Naek oso ḇefarḇuk ḇaim, ifarfnak imbesrar sya sinesna awer. Ipok fyasnai imarisen faro i ḇoi kaku raryaḇa.

Rofyor imbesrar ono sifuken myaren ḇaido sikofen karkara kuker samswen sena, fandun fa penatua smam pyum kaku. Oso wer ido, penatua sya fandun syadi fa sifrur pyum kabom sya.​—Rut 2:8, 9.

MAM VIDIO FASNAI SASWAR YA PDEF RO SIDANG​—FARO KABOM MA AWAK PARAM, RAMNAI KWAREM FAKFUKEN ḆEUSER NANE:

• 

  Rariso naek srar sfasnai saswar sena faro Imbesrar Myint i

• 

  Rariso saswar naek srar sfasnai anna nbuk kesaksian ḇepyum faro snonggaku ḇero mnu ansya?

• 

  Rariso saswar naek srar sfasnai anna nawyae Imbesrar Myint inai ḇyesuya?

Rosai monda wafrur infa wafasnai waswar imbesrar ro sidang sya?