Wafawi Ke?

Rosai ḇefnai fa Yesus dap manfarḇaḇyan aiwan ro bait ḇero Yerusalem sya ḇe ”snonkaku ḇemamun”?

RO SYAP Matius kowasya, ”Yesus syun ro Allah Rum ḇyedi ma iyaw snonkaku kam ḇefarḇaḇyan ro Allah Rum ḇyedi rawndi sya. Pyamḇar meja-meja sḇuksadwer pipi na ma bangku-bangku ro snonkaku ḇeḇoḇ manjawa sya. Raimnai Yesus ikofen faro si, ’Fas-fas isya, Rum Ayedi nari snir iḇe rum-nadi. Ḇape mkokada mkofrur iḇe nas snonkaku ḇemamun.’”​—Matius 21:12, 13.

Ro fasfas sejarah, manfarḇaḇyan ḇero bait sya sun syadi ro snonkaku ḇekaḇkoḇes sya kuker sor ḇaḇyak ḇeyek kaku ro si. Imnis raris, manjawa oser kakuya ḇaḇyak ḇyeja nek syadiḇa, inja snonkaku ḇesabarar sya bisa skoḇesna fa sḇukifarser. Ḇape, fasfas Yahudi ḇekwar ikofen ro abad randak, ḇaḇyak ro manjawa risuru nek kaku isof brawen dinar oser. Ine iso ḇaḇyak faro manḇefararur ro kur swaf ras ri 25. Ḇaḇyak ro manjawa ine nek kaku, inja snonkaku ḇesabarar sya jadiḇa fa skoḇesna. (Imamat 1:14; 5:7; 12:6-8) Rabi Simeon, Gamaliel romawa ḇyeja imsor kaku rofyor ryower roi ine. Ḇarpurya, barbor ro farsarser snonkaku Yahudi sḇukna ḇyenafa nado. Fyoroḇa ramnai, ḇaḇyak ro manjawa risuru nado kaku ro ḇaḇyak ḇerandakya.

Inja, nasnaibos kaku snar manfarḇaḇyan ḇero bait sya sanfarmbram kaku ma sun syadi pipi ro ḇekaḇkoḇes sya. Iso ḇefnai fa Yesus dap siḇe ”snonkaku ḇemamun”.