Rosai Refo Ikofen ḇekur Tato Na?

Kankarem ro Refo

Refo ya dapḇair tato ine rarwan ri oser monda, ro Imamat 19:28, ḇekofen: ”Mgofak baken mgoḇena awer.” Allah byuk parenta ine faro er Israel infa sisnai ḇese ro er-er ḇefanam si ḇefak baken sena kuker snonsnon ḇaido kapkop ro allah-allah sedi. (Ulangan 14:2) Sasoser sbuk faro er Israel ine snonggaku Kristen na siso na ḇa yo, farkankin ḇeḇeknam faro sasoser anine na skara pyum na.

Fandun fa snonggaku Kristen setato ḇaido sfasfas ro baken sena ke?

Mnuk ḇero Refo nane nari nafnoḇek Au rofyor kwarauser roi ine:

• ”Bin sya fandun fa sḇemaris manggunsi kuker . . . syadadi ḇa.” (1 Timotius 2:9, New American Bible) Wos farkin nane faro bin ḇaido snon sya kako. Fandun fa koḇesyowi snonggaku ḇesesya ma komam syadi faro fandun manggun koḇena ḇardi awer.

• Imbude sino simarisen sfasnai manggunsi ḇaido marisen manggun sena, ḇaido sfasnai hak faro baken sena. Imbape, Refo ya byuk swarapepen faro snonggaku Kristen, ’Buk baken bena ḇe farsarser ḇekenem, ḇesren, ḇefrur Allah imarisen, fararmyan ḇesren kuker kakara ḇepyum bena.’ (Roma 12:1) Buk ’kakara ḇepyum’ Bena fa kwarauser roi ḇewar fa imbe wakḇetato. Roi ḇewar ya iso snar imbe wasowanan monda ḇaido imbe fasnai manggundaw faro raryur oso monda ido, waswarepen snar ras oso bisa fadwer kakara Bena wer, imboi tato nama samswen fa sipyos na. Kwarauser roi ḇewar Au fa wafrur na ido, na nafnoḇek Au fa wun snemuk ḇepyum.​—Amsal 4:7.

• ”Aw ro snonggaku ḇemyaren na nun bon ḇepyum, ḇape mansei ḇefasawsaw ro roi ifrur na nari ḇyesabarar.” (Amsal 21:5) Snonggaku ḇefrur tato sine sifrur na kukro sun snemuk fasawsaw, imbape roi ine nawyae snonggaku ḇese ma fararur sena ro swaf kawan. Oso wer ido, sipyos tato nanema ḇaḇyak ḇyena nek kaku ma nafrur fa siduf kako. Penelitian—ma bisnis sipyos tato ine nek fasaw kaku—ine fyasnaiḇair snar snonggaku ḇebor ḇetato sya sfafko faro snemuk sifrur kwar na.