Koiso Ḇena Aski

1. Sanandik faro Yahwe,

Allah ḇeaski.

Mamamun ma masasor

Na ipyos nakam.

Roma Ḇyedi Kristus i,

Manfun ḇeaski.

Ro fafisu ḇyepoik kwar,

Aski na dores.

2. Rakrok ma masasor ya,

Kosaw’n nakam kwar.

Bom ma sumber na kako,

Nfadwer ḇe saswar.

Komaris’n aski ido,

’Ḇuk ampun ḇeri.

Snar domba Yesus siko,

Koken’m payamyum.

3. Allah ḇyebarakas ko

Kuker ḇyuk aski.

Komaris’n kosouser

Parenta Ḇyena.

Ro kankenem koḇena,

Kofasnai aski

Isof Karajan ryama

Aski na imnis.