Rosai Ḇefnai fa Ḇesyowi Kaku Ḇaḇesamsyom Ḇekakuya?

Fasasna Yehezkiel ḇyedi nsambraḇser snonkaku Yahudi ḇewomen sya kukro nḇuk saneraro faro si snar ḇaḇesamsyom ḇekaku nari ipyum kaḇer. Ro awar papupes ya, ḇaḇesamsyom ḇekaku ”dores nako fa kyainwef bonkor-bonkor na” kwar, ma koisya koro fandu snonkaku ḇerama ro er-er syakam ḇembran ḇeakakek ḇediwa. (Yes 2:2) Inja Ausya kwara ker fakamaman Bena fa mamḇaḇir ma wakfarmyan ḇe Yahwe I ke?

BARAKAS RO ḆAḆESAMSYOM ḆEKAKU:

• 

  Kona anan rur ḇebor fafayaḇa ḇeḇuk kankarem faro fakfuken-fakfuken ḇefandun kaku ro kankenem ine, rariso kokenem rai, ma kona saneraro ḇekaku.​—Yes 48:17, 18; 65:13; Rm 15:4

• Kona saswar manbekanaek ro supswan ḇesiper.​—Mz 133:1; Yoh 13:35

• Kosmai raryaḇ snar kona fakamaman fa kofararur kayam kuker Allah.​—Kis 20:35; 1Kor 3:9

• ”[Aski] ro Allah” nari nsambraḇser ko ro kandera ḇekur ko na.​—Flp 4:6, 7

• Kona sneuser ḇesren.​—2Tim 1:3

• Kona ”Ḇaḇebati ḇefanam kuker Yahwe I.”​—Mz 25:14

Ro nyan risai monda yafasnai syowi yena faro ḇaḇesamsyom ḇekakuya?