KANKENEM KOḆENA ḆE SNONKAKU KRISTEN

Koḇekir Syadi ro Fararmyan Koḇena—Koḇuk Fakfuken kuker Payamyum

FANDUN YA: ”Karkara ro snonkaku sya sisnesna raris war ḇedo kaku”, inja fakfuken ima imnis raris kanarem fa koḇuki kanow war anya ḇebo. (Ams 20:5) Fakfuken ya nafnoḇek ḇerower konsya fa sakawose. Koḇuk fakfuken kokinfir pyum kwar ido nari sḇuk kankarem ḇepyum fa kaksmai fainda ro na. Yesus ḇyuk fakfuken kuker payamyum. Inja, moḇsariso kakfrur raris i rai?

MOḆSA KOFRUR NA RAI:

Kofuken fa koḇukimamkara. Yesus ḇyuk fakfuken fa ḇyukimamkara rosai manwawan ḇyesi skara na. (Mat 16:13-16; be-IN 238 ¶4-6) Fakfuken risai imbe wakḇuk fa ḇukimamkara ya?
Koḇuk fakfuken fa kyara. Yesus isonek Petrus karkara ḇyena kuker ḇyuk fakfuken ma kankarem ḇefnoḇek Petrus i fa nya karkara ḇemnis. (Mat 17:24-26) Fakfuken ḇefandun risai na wakḇuk ḇe snonkaku oso insama nafnoḇek snonkaku ani fa nya karkara ḇemnis?
Wasandik ḇerower Au ya. Rofyor Yesus myam manfasfas oso ”kankarem byana” nasrow kaku, Yesus isandik i. (Mrk 12:34) Rariso kaksandik snonkaku oso ḇekarem pyum fakfuken koḇena?

MAM ḆAR ḆERANDAK RO VIDIO KOFRUR FARARUR YESUS IFRUR NA —KOḆUK FARKARKOR, RAMNAI KWAREM FAKFUKEN NANE:

Rosai ḇefnai fa farkarkor ine imnis kaku, ḇape nyan moḇ ḇyuk farkarkor ya naḇyeḇa?
Rosai ḇefnai fa kawosḇair monda awer farkarkor ya?

MAM ḆAR ḆESURU RO VIDIO ANI, RAMNAI KWAREM FAKFUKEN NANE:

Rariso buk fakfuken kuker payamyum rai?
Ro vidio ine, nyan farkarkor ḇese risai bisa koso na?

Snon oso rya ibor famfnom snar nyan ismai farkarkor ya naḇyeḇa; snon oso ifawi mnis kaku farkarkor ya snar nyan ismai farkarkor ya napyum — Roi risai nari snonkaku ḇesesya sismai ro nyan koḇuk farkarkor ya rai? (Luk 24:32)