Binkwanbur Roi Ḇefrur Samswen ro Jejaring Sosial

FANDUN YA: Imnis raris roiebor oso na ḇeḇuk fainda ḇe ko, ḇape nari nun samswen kako. Rarirya kako kuker jejaring sosial. Snonkaku Kristen ḇeḇeso simewer sḇuk jejaring sosial inendi. Ḇese sya simarisen sḇuk na fa sḇukiwawos kuker kina ma bati sesya. Ḇape, Setan imarisen koḇuk jejaring sosial kuker nyan ḇesasar, insama snonsnon ḇepyum koḇena naḇyeḇa ma ḇaḇebati koḇena kuker Yahwe namuk. Raris Yesus i, na koḇuk wos farkin ḇero Refo fa kofawi mnis roi na ḇefrur samswen ma kobinkwarbur na.​—Luk 4:4, 8, 12.

DENEM FANDUN FA BINKWANBUR NA:

• Oras Bena nabro ro media sosial. Rofyor koḇuk oras ḇebor koḇena fa kofnak jejaring sosial ḇaido media sosial ido, na kona swaf noḇa faro Yahwe I

  Wos farkin ro Refo: Ef 5:15, 16; Flp 1:10

• Bukimam roi ḇeḇyeḇa na. Fyor komam ker sonin-sonin ḇefrur nafsu ya dek ido, na nafrur ko fa komarisen faro pornografi ḇaido kofrur farḇakḇuk famfnom. Osower ido, rofyor kowasya syap ro snonkaku murtad sena ḇaido blog sena, na nafrur kakyar koḇena nasambraḇ ḇa

  Wos farkin ro Refo: Mat 5:28; Flp 4:8

• Warir foto Bena ḇaido fas roi ḇeḇyeḇa ro dori na. Snar sne ima dankarkar, inja nafrur fa snonkaku oso na imarisen fa fyas wos ḇyena ḇaido ryir foto ḇeḇyeḇa na ro media sosial. Ḇape, ine na nafrur fa snonsnon ḇyena naḇyeḇa ḇaido kakyar ḇyena nasambraḇ ḇa

  Wos farkin ro Refo: Rm 14:13; Ef 4:29

MAM VIDEO BUK JEJARING SOSIAL KUKER FAWAWINANEM, RAMNAI WAWOS NYAN RARISO BINKWANBUR SAMSWEN ḆEUSER NANE: