FARKARKOR 2

Wawos Raris Moḇ Kawos ro Rasras

2 Korintus 2:17

ROSAI NA WAFRURI: Insama wawos raris moḇ kawos ro rasras na, rofyor wun farkarkor Bena, mankundaw kwarauser farkarkor anya ma kwara kako ḇerower Au ya resari.

MOḆSA WAFRUR NA RAI:

Fasos pyum nadi ma farkarkor Bena. Benadi ḇo wor insamaido kwara faro mankundaw awer mboi kwara faro ankinem wun anna. Mam monda faro rosai imbe wakofen na. Wawos monda raris moḇ imbe wawos ndraya, mboi waswarepen awer wos oser-oser sfas ro syap na.

Mam mboi nari wawasya ro Refo ḇaido syap ḇesena ido, fandun fa mambir pyum kaku na insamaido wawasya muk-muk awer. Mboi, ima snonkaku sya wos sena ido, wawos na raris moḇ kawos ro rasras mboi ndrok mankenem faḇye awer.
Wawos kuker sne ḇesiper. Kwarauser rosai ḇefnai fa ḇerower Au ya fyandun ankinem anna. Kwara roi ḇese awer. Mam pyum moḇsa wores raya, moḇ wawos raya, mkasi moḇsa isnai rai, insama sifawi wawos kuker sne ḇesiper ma nfasnai mayaryaren Bena.

Kwara samswen awer moḇsa na wawos pyum rai. Wawos kuker wos ḇesnai ma wos ḇemnis insamaido ankinem wun anya skara pyum na.
Mam faro ḇerower Au ya. Ine nasrow ro moḇ Bedi ido, mam faro ḇerower Au ya. Rofyor wun faya, mam awer snonkaku syakam ḇeri mboi mam si oser-oser.