Farsyos Fyasnaiḇair Allah Fababa Ḇyena

1. Farsyos fyawar Yahwe fababa Ḇyena.

Ḇraur mankun Ḇyena,

komam na ro farsyos.

Ro ras nakam kosyom kosandik I.

Ro roḇ sfasnai fawinanem,

Ma sawarwar Ḇyena.

2. Sasoser ro Yahwe namnis, nbuk ’kenem,

Anun Ḇyena nfarkin

sinan ma ’babo sya.

Ḇaḇesasoser Ḇyedi inapes.

Wos ma sasoser na nkaku,

Sye napyum kaku ra.

3. Makak ḇenap’s ḇe Yahwe nakain fyoro.

P’renta Ḇyena napyum,

nasyadi ro brawen.

Wos Ḇyena nfarkin ma nfaduru ko.

Kor’s nako fa kokanowser

Snonsnon ḇesren Allah.