Komam Allah Rari Ḇyena Neḇemam ro Komkasna Ḇana Ke?

Rofyor mam pampen ḇesnai farawriwek, farsyos ḇefo mak sya, ḇaido warḇesriḇ ryok ḇeruru, ausya mam Manḇedaw koḇedi baba Ḇyena ke? Ḇraur nakam ḇero ris koḇedi nfasnai Yahwe rari Ḇyena komam ro komkasna ḇa. (Rm 1:20) Fafisu kokain ḇo kokara rosai komam ro komkasna, na komam Allah rari Ḇyena raris papoik, saswar, fawawi nanem, nanapes, ma ḇaḇesnemura Ḇyena.​—Mz 104:24.

Rosai monda Yahwe ḇraur Ḇyena mam ro ras-ras na? Koḇarek ro kota ḇeba ke, rarirya ido na komam kaker mansya ma aiknam si. Komamuser Yahwe ḇraur Ḇyena ido na nafnoḇek ko fa koḇeḇirḇar syadi ḇa, komam monda faro roi ḇefandun kaku na, ma kokyar kaku Yahwe ima syambraḇ fa myamfaduru ko ḇesya kwar. (Mat 6:25-32) Auma sinan ḇena romawa ido, fandun fa wafnoḇek si fa smam Yahwe rari ḇepyum kaku Ḇyena. Koḇesyowi kaku Yahwe ḇraur Ḇyena ḇero ris koḇedi ido, na kofanam syadi ḇe Manḇedaw koḇedi.​—Mz 8:3, 4.

MAM VIDIO ḆRAUR ḆEFRUR KANANDOR FYASNAI ALLAH BABA ḆYEDI—SONAR MA SANANAI ḆEFARAWRIWEK, RAMNAI KWAREM FAKFUKEN ḆEUSER NANE:

• Rosai ḇefrur fa kopok komam sananai ḇefarawriwek na?

• Moḇsa sananai ḇefarawriwek na (iridescence) ndramuma rai?

• Rosai ḇefnai fa komam farsyos ya isnai farawriwek?

• Rosai monda Yahwe ḇraur Ḇyena mam ro ris ḇedi, moḇ isnai raya ifrur fa wamanen kaku?

• Rosai ḇefnai fandun fa koḇuk swaf fa komamuser roi ḇero supswan ma farsyos ya?