Fasnaibos Fainda Ḇyena

Yesaya 48:17, fasfas kasun ro sop

ROSAI NA WAFRURI: Wafnoḇek ḇerower Au ya fa ifawi farkarkor wun anya nasrow faro kenem ḇyena, ma fasnaiḇair moḇsariso ifrur raris rosai fyarkor kwar na.

MOḆSA WAFRUR NA RAI:

• Kwara pyum ḇerower Au ya. Kwarauser rosai ḇefnai fandun fa wakofen ankinem anya yoḇ i. Kwara farkarkor rosai na ḇeyun fainda syadi faro i.

• Rofyor wun farkarkor Bena, fasnai rosai fandun fa ifrur na. Rofyor wun farkarkor Bena ro randak, fandun fa ḇerower Au ya ikofen radine, ’Ine nasrow kaku faro aya.’ Rofyor fasnaibos farkarkor ḇefandun na oser-oser, fasnaiḇair moḇsariso ifrur na ro kenem ḇyena rai. Wawos farkarkor anya fa nasnai kaku.