Allah Syap Ḇyedi​—Arasai Rirya

1. Syap oso isya dun raryaḇ, marisen,

Aski, saneraro ḇe snonkaku.

Wos ḇyena napyum nafo kuk’r papoik,

Nbuk ḇe ko fawawi, ma kankenem.

Syap ḇepyum isoine Refo Wos Ḇesren.

Ḇefas Refo sya, Allah fyarkin si,

Sima siswar Allah seja Yahwe I,

Ma idif si kuk’r rur ḇesren Ḇyeja.

2. Sfasepen pyum Allah fararur Ḇyena,

Sfas rariso farsyos ḇeba isya.

Ma snonkaku ḇemnis ro randak kako,

Ma ’sai ḇefnai Firdaus ipromes.

Ma kuker malaikat ḇesouser ḇa

Ḇesampum Yahwe papoik Ḇyeja.

Nafnai sasar, dafduf, kandera nabor,

Ḇape nari Yahwe ipyos nakam.

3. Fafisu ḇeyun doryaḇ ifyafer kwar;

Yahwe ryem kwar Raja ḇepoik ya.

Inja fyor ine koḇaryas Karajan

Korwas saneraro ḇepyum ine.

Ro Refo naser anun ḇeyun doryaḇ;

Roḇean ḇesren naisya nabore.

Nbuk aski ma marisen ḇeba kaku,

Arasai Ḇeken’m faro ḇewasya.