Ḇesyowi Kaku Refo ya Ke?

Refo ima syap ḇesren ḇeramuma ro Allah Yahwe diri. Inja naser kakara ma wos Ḇyena. (2Ptr 1:20, 21) Refo ikofenḇair Karajan Allah fyasnai bos Yahwe nya knam kaku fa ḇyepoik faro manseirirya kam. Ma roro Karajan ani, snonkaku syakam na sismai kankenem ḇepyum syadi wer. Refo fyasnaiḇair kako rari ḇepyum kaku ro Yahwe, Kma koḇedi ro nanki.​—Mz 86:15.

Roi ḇefnai ko fa koḇesyowi Refo ya namnis kam ḇa. Ḇape, koḇesyowi kaku Allah Wos Ḇyena kuker kowasya na ras ḇe ras ma kofrur na ro kankenem koḇena ke? Rirya kada moḇ kokenem raya nefasnaiḇair kakḇaḇir raris manḇefas mazmur ḇekofen, ”Yaswar sasoser Bena rawo!”​—Mz 119:97.

MAM VIDIO SESYOWI KAKU REFO YA—FASASNA ḆEKNAMPU (WILLIAM TYNDALE), RAMNAI KWAREM FAKFUKEN ḆEUSER NANE:

• 

  Rosai ḇefnai fa William Tyndale fyas fadwer bar oso ro Refo na ḇe wos ḇesena?

• Rosai ḇefnai fa kokofen roi ifrur naine ipyum kaku?

• Rariso Tyndale Refo ḇyena sisun fasis na ḇe Inggris ya?

• Moḇsa kokame na kofasnaiḇair koḇesyowi kaku Refo ya rai?