FARKARKOR 1

Wos Ḇesrow ro Randak

Farfyar 17:22

ROSAI NA WAFRURI: Fandun fa wos Bena nafrur marisen, swewar farkarkor ḇesrow, ma wafrur fa ḇerower Au ya myam na ḇe roi ḇefandun kaku.

Wawos roi ḇefrur marisen. Kwinfir fakfuken, fawar ḇekaku, oroḇaido ankinem rosai monda ḇefrur fa ḇerower Au ya imarisen ryower na.

Ḇepon ya, mam pyum kaku rosai imarisen na insape kwinfir farkarkor ḇesrow faro fandandun ḇyena.
Kwinfir farkarkor ḇesrow. Mam pyum insamaido wos Bena ro randak ma roi ḇefnai fa rwama wun farkarkor anya nasnai faro ḇerower Au ya.
Fasnai snar farkarkor wun anya nefandun kaku. Rosai wawos na wafrur na fa nasrow faro ḇerower sya fandandun sena. Fandun fa sifawi farkarkor wun anya nafnoḇek si oser-oser.

Rofyor fasos faya Bena, kwarapan: ’Rosai ḇekur naek srar ayesi ro sidang ayedine?’ Ramnai, wafrur faya Bena fa nasrow faro fandandun sena.