Ḇar Bin Kristen Ḇesoasuser

1. Sara, Ester, Maria, Rut, ḇesesya—

Sikam bin syowi ma ḇesoasuser.

Sima sfakapon farsamsyom ḇenapes.

Kofawi si snar sne asuser sena.

Ḇesesya wer Yahwe imaris’n si,

Sap si ro Refo ḇa, kakyar sena imnis.

2. Sifrur pyum, seḇri, sisouser, sisaswar​—

Rari-rari ḇesyowi kaku nairi,

Ḇar bin sine sfasnai ro kenem sena.

Koḇesyowi nyan kenem ḇepyum sena.

Ro baboine srar sya sakfasnai na,

Kokam koḇera si fa kosoasuser.

3. Ḇar awin, insos, srar, binswa, ma kabom,

Mkomyaren mkofararur kuker raryaḇ.

Mkofrur pyum ma mkosampampum ḇaḇeri,

Mkomkak awer, Allah imarisen mko.

Sye srar mkoya, Yahwe myamwarek mko,

Mkodworen ḇesya kwar, ḇaḇyak ya fyanam kwar.