Fakfuken ro Ḇewasya

Manseiso manwarwaren ḇero bait sya, ma rosai fararur sena?

Snonkaku Lewi ḇeyakfarmyan ḇe imam ḇa sya sakna fararur ḇesena. Imnis ra, ono sisya sfararur ḇe manwarwaren ro bait. Mananir ro bait oso na ḇemam si ḇo sfararure. Manfasfas Yahudi, Filo, ikofenḇair fararur sifrur na: ”Sino sisya smamwarek kerwa ḇeba sisun ro na. Ḇesesya smamwarek [ro bait bandum ya] ro ḇarpon moḇ ḇesren. Sores ro dia insama snonkaku ḇesyus ḇa sya, sifawi ke roḇa, sisun awer ḇe moḇ ḇesren. Sisya wer, sifadadwer ro ras ma roḇ fa simbran yar smamwarek bait.”

Sanhedrin na sor fafnoḇek ro manwarwaren bait ansine. Pamarenta Romawi sḇuk ijin ḇe snonkaku Yahudi ansine monda fa suf romamun na.

Sarjana oso snori Joachim Jeremias ikofen, ”Fafisu sfor Yesus i, ikofen ras-ras isya kyain ḇyuk farkor ro Allah Rum ḇyedi mboi sfor i ḇa. (Mat. 26:55) Yesus wos ḇyenane nefasnai snonkaku ḇefor Yesus i sya siso manwarwaren Bait sya.” Oso wer ido, Jeremias doḇe ro swaf ḇese snonkaku seḇewan kwar fa sfor Yesus sikako manwarwaren bait sirya. (Yoh. 7:32, 45, 46) Ḇarpur mura, Sanhedrin iwan mananir ma manwarwaren bait ḇeḇeso fa sra sfor Yesus manfamyan ḇyesi. Ma rya manwarwaren ansine sikako ḇeyer Manwawan Paulus i ḇe bandi bait ya.​—Kis. 4:1-3; 5:17-27; 21:27-30.