Komarisen Koḇuk Ampun

1. Ḇeknam ro saswarya

Yahwe iwan Rumkun ya

Insa fyasos fasaspar ya

’Nsa marmarya napromes.

Inja kombror kaku kada,

Na kosmai ampun ro I

Ḇeknam ro Kristus rik ḇyena,

Kor kuker snonsnon ḇyedi.

2. Allah na ḇyuk ampun

Rofyor kakso nyan Ḇyena

’Ḇuk ampun kuk’r sne ḇesiper,

Kofasnai nyan saswarya.

Kokaḇaḇaḇ faro sikam,

Kosaw’n sne ḇemasasor;

Kosyowi naek koḇesi,

Kofasnai nyan saswarya.

3. Rofyor kofaduru

Rari ḇefo kuk’r saswar,

Nari kokram masasor ḇa,

Sne fafayaf kosaw’n na.

Kuk’r koso Yahwe nyan Ḇyena

Ḇesyadi ro saswarya,

Na komaris’n koḇuk ampun;

Raris Mami ro nanki.