FARKARKOR 34
Rariso Kofasnai Koma Koswar Yahwe I?
Rofyor wafarkor randak anya, ḇaḇir wafanam syadi ḇe Yahwe I ke? Wamarisen fa wafanam pdef yoḇ I ke? Waswarepen snar Yahwe myam waswar I ido, nari dakswar Au ma myamwarek Au. Inja rariso wafasnai Auma waswar I rai?
1. Rariso kofasnai koma koswar Yahwe I?
Kofasnai koswar Yahwe I kuker kosouser faro I. (Kowasya 1 Yohanes 5:3.) Yahwe ima idafdifer snonggaku oso ḇaḇeri fa isouser faro I. Byuk swaf faro ko oser-oser fa kokinfir ro manggunko imbe kosouser I ke roḇa. Rosai ḇefnai fa Yahwe ifrur radine? Kukro imarisen insama kosouser I ”kuker sne ḇesiper”. (Roma 6:17) Rarirya, imewer wasouser I kukro mam inema roi ḇefandun fa wafrur nairi, imboi imarisen wasouser I kukro waswar I. Inja, sfasos pyum Bar ḇe 3 ma 4 ḇero syap ine insama nafnoḇek Au fa wafasnai saswar Bena faro Yahwe I kuker wafrur rosai imarisen na ma ḇinggwan ro rosai imewer na.
2. Rosai ḇefnai fa kofasnai saswar faro Yahwe ima roi ḇepyan risya ḇa?
Refo ya doḇe, ”Snonggaku ḇenapes sya samswen sena nabore.” (Mazmur 34:19) Kokame snonggaku ḇenapes ḇa siko. Imbude samswen fa kosewar roi kofandun ro kenem koḇena ro ras-ras na, sia sifrur pyum ko ḇa, ma kosmai samswen ḇese wer. Ro fafisu ḇeradine, na samswen fa kosouser faro Yahwe I. Ḇape swewar fa wafrur roi Yahwe imarisen na ido, Ausya wafasnai waswar syadi Yahwe I ro roi ḇesena. Oso wer ido, ima wafasnai wasouser faro I. Rarirya, na ryous Au ḇesya kwar. Yahwe nari ryir Au ḇaḇeri.—Kowasya Mazmur 4:3.
SWEWAR KAKU WER
Nari kawos roi ḇefnai fa kosouser faro Yahwe ido na imarisen, ma nari kawos kako roi ḇefnoḇek Au fa wasouser pdef faro I.
3. Ibiris isya dap Au
Ro Refo, kofawi Ibiris dap wos oso isya fa byukisof Ayub i. Ḇekaku ya kyursof Ayub derer ḇa mboi snonggaku ḇefarmyan faro Yahwe I syakam. Kowasya Ayub 1:1, 6–2:10, raimnai kawos fakfuken suine:
Ibiris doḇe rosai ḇefrur fa Ayub isouser faro Yahwe I?—Mam Ayub 1:9-11.
Rosai Ibiris dap wer ḇekur snonggaku syakam ma Au kako?—Mam Ayub 2:4.
Kowasya Ayub 27:5b, raimnai kawos fakfuken ine:
Moḇsa Ayub fyasnai ima iswar kaku Yahwe I?
Ayub fyasnai iswar Yahwe I kuker dufepen nako soasuser ḇyena faro Yahwe I
Kofasnai koswar Yahwe I kuker kufepen nako soasuser koḇena faro I
4. Wafrur fa Yahwe sneri imarisen
Kowasya Amsal 27:11, raimnai kawos fakfuken ine:
Fasnai wafawinanem ma wasouser faro Yahwe ido, moḇsa na ḇyaḇir rai? Kwarem rarirya kukro?
5. Swambraḇ fa wasouser pdef faro Yahwe I
Koswar Yahwe ido na kokofenḇair ḇe snonggaku ḇesesya fa sakfawi Yahwe I. Swaf ono ido, na samswen fa kofrur roi nane. Ḇape, komarisen kosouser faro I ndari, nari kofrur roi ine pdef. Komam VIDIO, raimnai kawos fakfuken suine.
Kwara samswen fa wakofenḇair Yahwe I ḇe snonggaku ḇesesya ke?
Ro vidio insanja, rosai ḇefnoḇek Naek Grayson i fa imgak ḇa?
Komarisen roi Yahwe imarisen na ma kayin roi dayin na kada, na napyan fa kosouser I. Kowasya Mazmur 97:10, raimnai kawos fakfuken nane:
Raris rosai wafarkor kwar na, roi risai monda Yahwe imarisen na? Roi risai monda Yahwe dayin na?
Rariso na komarisen faro roi ḇepyum ma kayin roi ḇeḇye ḇa na rai?
6. Kosouser Yahwe ido nari kosmai payamyum
Kosouser faro Yahwe ido, nari kosmai payamyum ḇesya kwar. Kowasya Yesaya 48:17, 18, raimnai kawos fakfuken nane:
Wakyar kaku roi nakam Yahwe dor fa kofrur na, nari nbuk payamyum faro ko ḇesya kwar ke? Kwarem rarirya kukro?
Payamyum rosai wasmai kwar kukro wafarkor Refo ma mambir Manseren Allah ḇekaku, Yahwe I?
SIA SOḆE: ”Roi yafrur ro kenem yenane na nafrur fa Manseren Allah imarisen ke?”
Mnuk saiso ḇeyoḇe roi kofrur na bisa nafrur fa Yahwe imarisen ḇaido imarisen ḇa?
FARKARKOR ḆYENA
Kofasnai koswar Yahwe I kuker kosouser parenta Ḇyena ma ḇefandun syadi wer kosouser I fafisu rya samswen fa kofrur na.
Waswarepen Kaḇer
Farkarkor rosai kun ro Ayub fawar ḇyena?
Rariso wafasnai Auma waswar Yahwe I?
Rosai na ḇefnoḇek Au fa wasouser pdef ḇe Yahwe I?
SWEWAR NABOR WER
Mam rosai Ibiris byukidap snonggaku sya ḇekur soasuser sena.
Mam nyan fa roma mgun sya sakfasnai saswar sena faro Yahwe I.
Rariso roma inai babo sya sisoasuser faro Yahwe I fafisu sismai dafdifer ro bati sesya?