Rosai Refo Ikofen Na?
Snonkaku iso ḇefrur agama na ke?
SNONKAKU ḆEḆESO SIKYAR snar agama ima bon ro sasewar snonkaku sya; ḇese sya skara snar Allah iyer snonkaku sya fa sfanam ḇe I ro agama ya. Rariso karkara bedi?
ROSAI REFO IKOFEN NA
Ono isya ”ḇaḇeari ḇekaku ma ḇefarorewḇa ro Allah, Kma koḇedi ḇarpon ḇyedi.” (Yakobus 1:27) Agama ḇesren, ḇaido ḇekaku, ḇerama ro Allah.
ROSAI WER REFO FYARKOR NA
Infa Allah imarisen, fandun fa agama oso farkarkor ḇyena neknam ro napnapes ḇero Refo.—Yohanes 4:23, 24.
Agama ḇena farkarkor ḇerama ro snonkaku na nefromo.—Markus 7:7, 8.
Fandun fa kosun ro agama oso ke?
ROSAI KANKAREM BEDI?
Imbo
Aroḇa
Mam resari
ROSAI REFO IKOFEN NA
”Mkorama kokarayaye insa kodifyae ko, insa kofrur roi ḇeḇye ma kofasna saswarya. Koḇinkwanbur awer fananjur kayam ro ḇaḇeari koḇena.” (Ibrani 10:24, 25) Allah imarisen fa ḇesyom I sya sḇeoser ro raryur oso ḇeḇeorganisasi.
ROSAI WER REFO FYARKOR NA
Snonkaku ḇesyom ḇe Allah fandun fa sḇeoser ro kakakyar ya.—1 Korintus 1:10, 11.
Kawasa ro agama Allah imarisenna sḇe naek srar ro supswan ḇesiper.—1 Petrus 2:17.