Ayub Isouser Pdef Rofyor Isma Farawrowes

Ayub ḇyarek ro sup Uz ro fafisu er Israel sya sewomen si ro sup Masir. Ayub ima snonkaku Israel risyaḇa, ḇape iso ḇesyom ḇe Yahwe kuker souser. Nya kina ḇeba kaku, nana nabore, ma snonkaku ḇero moḇ ḇyedi sya sesyowi i. Ima manfarkin ma mankara ḇenapes sesyowi kaku i. Imarisen ifnoḇek snonkaku ḇesabarar ma snonkaku ḇefandun farfnoḇek sya. Ayub iso snonkaku ḇesoasuser.

Ayub fyasna kaku snar Yahwe ima Mankun ḇesyowi kaku ro kankenem ḇyedi

1:8-11, 22; 2:2-5

• Setan myam mnis ḇaḇeasuser Ayub ḇyedi. Ifawi kaku Ayub ḇyesouser faro Yahwe I; ḇape, ikyarḇa faro ḇaḇeasuser Ayub ḇyedi

• Setan kyursof Ayub ḇyefarmyan ḇe Yahwe I snar fandandun mankun ḇyedi monda

• Insama neḇefasna safsof Setan ḇyena nkaku ke oroḇa, Yahwe ḇyuk swaf ḇe Setan i fa ifrowes Ayub snonkaku ḇesouser ya. Setan ifrur samswen nabor kaku ro kankenem Ayub i

• Ayub fyasna kwar isouser pdef, ḇape Setan ikyarḇa faro ḇaḇeasuser snonkaku ḇesyom ḇe Allah I sya

• Ayub ifrur sasar ḇa ḇaido kyursof Allah I ḇa ḇefrur roi ḇeḇyeḇa