Imnis ra bos ro kantor dor manfasfas ḇyedi fa fyasepen rosai ikofen na, Manseren Allah ḇye snonggaku ḇesouser riḇeso fa sfas Angginem Ḇesren Ḇyena
Nyan Manseren Allah Ikofenḇair Angginem Ḇyena
Fafisu Manseren Allah ifrur snonggaku sya ro randak kaku, dawos yoḇ si roro malaikat ma nabi Ḇyesya. Mura, imarisen fa sfasepen angginem ma asas Ḇyena. Doḇe nari kosmai payamyum ro ras iyama. Mboi moḇsa na kofawi Manseren asas Ḇyena ro baboine rai?
Manseren Allah angginem Ḇyena faro ko naisya ro Refo ya. (2 Timotius 3:16) Rariso fyarkin nabi sya fa sfasepen angginem Ḇyena rai? (2 Petrus 1:21) Manseren Allah ryir kakara Ḇyena ro manfasfas sya swaruser sena, mura sfasepen na. Baboine, roi ine imnis ra bos ḇero kantor oso. Rofyor dor manfasfas ḇyedi fa fyas pyan angginem ro syapram oso, kofawi rosai fyas na nama bos ani kakara ḇyenairi. Rarirya kako, fasfas ḇero Refo nama Allah kakara Ḇyenairi, mboi ḇye snonggaku sya fa sfas pyan angginem Ḇyena.
SIWASYA MANSEREN ALLAH ANGGINEM ḆYENA RO WOS ḆEBOR
Angginem ḇeramuma ro Sinan I fyandun kaku. Inja imarisen insama snonggaku ḇeraker er, keret, ma wos nakam siwasya ma sifawi pyum na. (Fasasna 14:6) Fafisu ine, Manseren anun Ḇyena siwasya na kwar ro wos nasyadi ro 3.000. Nane nabor syadi ro syap ḇese ro supswan ine kam.