3 Yu mas mekem samting we Jehova we i God blong yu i talem, taem yu wokbaot long ol rod blong hem mo yu folem ol loa blong hem, wetem ol komanmen blong hem, ol jajmen blong hem, mo ol rimaenda blong hem we oli raetemdaon long Loa blong Moses.+ Olsem nao bambae yu win* long evri samting we yu mekem mo long eni ples we yu go long hem.

17 Hem i talem long hem se: “?From wanem yu askem long mi se, ‘wanem i gud’? I gat wan man nomo i gud.+ Sipos yu wantem kasem laef, yu mas obei oltaem long ol komanmen.”+

3 Taem yumi lavem God, hemia i min se yumi stap obei long ol komanmen blong hem,+ mo ol komanmen blong hem oli no had tumas blong folem,+