17 Be olgeta oli no wantem lesin nating long ol jaj ya, mo oli olsem prostitut, oli stap go wosipim ol narafala god mo oli stap bodaon long olgeta. Oli kwik blong tanem baksaed long rod we ol olfala blong olgeta oli folem, hemia ol olfala blong olgeta we bifo oli stap obei long ol komanmen blong Jehova.+ Olgeta oli no mekem olsem olgeta ya.

19 Be taem jaj we i stap lidim olgeta i ded, olgeta oli mekem ol nogud fasin ya bakegen, be oli mekem ol fasin we i nogud moa i bitim ol papa blong olgeta. Oli stap folem ol narafala god, oli mekem wok blong olgeta, mo oli stap bodaon long olgeta.+ Oli stronghed mo oli no lego ol nogud fasin blong olgeta.

6 Ale ol laen blong Isrel oli mekem samting we i nogud bakegen long ae blong Jehova.+ Oli stat blong wosipim ol Bal,+ mo ol pija blong Astoret, mo ol god blong Aram,* ol god blong Saedon, ol god blong Moab,+ ol god blong ol man Amon,+ mo ol god blong ol man Filistia.+ Olgeta oli lego Jehova, mo oli no wosipim hem.