27 Taem Abnere i kamtru long Hebron,+ Joab i tekem hem i go insaed long get mo i pulum hem i go long saed, blong toktok long hem wan. Be long ples ya, hem i stikim Abnere long bel blong hem nao hem i ded.+ Hem i mekem olsem from we Abnere i kilim brata blong hem Asahel i ded.+

5 “Mo yu yu savegud samting we Joab, boe blong Jeruia, i mekem long mi, hemia samting we hem i mekem long Abnere+ we i boe blong Nere mo Amasa+ we i boe blong Jeta we tufala i lida blong ol ami blong Isrel. Joab i kilim tufala i ded long wan taem blong pis, nao i mekem blad blong tufala i fas long strap we i goraon long weist blong hem mo long sandel we i stap long leg blong hem, olsem blad we i ron long taem blong faet.+