25 Mo hem i wokem wan olta blong bonem insens+ long wud blong akasia. Olta ya i skwea, mo longfala blong hem i wan kiubit, bigfala blong hem i wan kiubit, mo hae blong hem i tu kiubit. Ol hon blong olta ya oli haf blong olta ya.+ 26 Hem i blokem olta ya long gol we i klin gud: Hemia top blong hem, saed saed blong hem, mo ol hon blong hem. Mo hem i wokem wan strap long gol we i goraon long saed blong hem antap.

3 Nao wan narafala enjel we hem i holem wan dis blong insens we oli wokem long gol, i kamtru, mo i stanap long olta.+ Nao oli givim plante insens+ long hem blong hem i bonem long olta ya long gol+ we i stap long fored blong tron,* blong oli joen wetem ol prea blong ol tabu man.