48 Solomon i wokem evri samting blong yusum long haos blong Jehova: Olta+ we i gol, tebol we i gol+ we i blong putum sobred,* 49 ol ples blong putum laet+ we hem i wokem long gol we i klin gud, mo oli putum long fored blong rum ya we i insaed olgeta, we faef i stap long raetsaed mo faef long lefsaed. Hem i wokem long gol ol flaoa we i open,+ ol laet, mo ol samting blong holem wik blong laet.*+ 50 Mo hem i yusum gol we i klin gud blong wokem ol besin, ol sisis blong katem wik blong laet,+ ol bol, ol kap,+ mo ol faea holda.+ Mo ol stamba ples blong doa blong rum we i insaed olgeta,+ hemia Rum We i Tabu We i Tabu, mo ol stamba ples blong ol doa blong haos tempol,+ hem i wokem long gol.