3 Nao Moses i go antap long hil ya blong toktok wetem tru God,+ mo long ples ya, Jehova i toktok long hem, i se: “Hemia tok we bambae yu talem long ol laen blong Jekob, hemia ol boe blong Isrel:

5 Naoia sipos yufala i obei gud long mi mo yufala i kipim kontrak blong mi, bambae yufala i kam spesel propeti* blong mi i winim ol narafala man,+ from we wol ya i blong mi.+

7 Biaen hem i tekem buk blong kontrak mo i ridim laod long ol man.+ Nao oli talem se: “Mifala i glad blong mekem evri samting we Jehova i talem, mo bambae mifala i obei long hem.”+

32 Bambae hem i no olsem kontrak ya we mi mekem wetem ol olfala blong olgeta long dei ya we mi bin holem han blong olgeta, mi lidim olgeta oli aot long kantri ya Ijip,+ hemia ‘kontrak blong mi we oli brekem,+ nating se mi mi tru masta* blong olgeta,’ hemia nao tok blong Jehova.”

18 Mo hemia samting we bambae i hapen long ol man we oli brekem kontrak blong mi, taem oli no folem ol tok blong kontrak ya, we oli mekem long fes blong mi, taem oli katem smol buluk long tu haf mo oli pas bitwin tufala haf ya,+ 19 hemia ol prins blong Juda, ol prins blong Jerusalem, ol haeman long yad blong king, ol pris, mo olgeta man long kantri ya, we oli bin pas bitwin tufala haf blong smol buluk ya: 20 Bambae mi putum olgeta long han blong ol enemi blong olgeta, mo long olgeta we oli stap lukaotem rod blong tekemaot laef* blong olgeta, mo ol dedbodi blong olgeta bambae oli kam kakae blong ol pijin long heven mo ol wael animol long wol.+