14 Afta long samting ya, profet ya Aesea i kam luk King Hesekia mo i askem long hem se: “?Ol man ya oli talem wanem? ?Mo oli kam wea?” Nao Hesekia i talem se: “Oli kam long wan ples we i longwe, oli kam long Babilon.”+ 15 Ale profet i gohed i askem se: “?Oli luk wanem long haos* blong yu?” Hesekia i ansa se: “Oli luk evri samting long haos* blong mi. Mi soem evri samting we i stap long ol ples blong mi blong putumgud ol sas samting. I no gat wan samting nating i stap we mi no soemaot long olgeta.”