• Esikel 11:19, 20
    Baebol Long Niu Wol Translesen

    • 19 Mo bambae mi mekem hat blong olgeta i kam wan,*+ mo bambae mi putum wan niufala spirit long olgeta.+ Mo bambae mi tekemaot hat we i strong olsem ston long bodi blong olgeta,+ mo mi givim wan hat blong man long olgeta,*+ 20 blong oli save wokbaot folem ol loa blong mi, mo folem ol jajmen blong mi, mo obei long olgeta. Biaen bambae oli kam ol man blong mi mo mi bambae mi kam God blong olgeta.”’

  • Esikel 43:7
    Baebol Long Niu Wol Translesen

    • 7 Hem i talem long mi se:

      “Pikinini blong man, hemia ples blong tron* blong mi+ mo ples blong putum leg blong mi long hem,+ ples we bambae mi stap long medel blong ol man Isrel blong olwe.+ Haos blong Isrel wetem ol king blong olgeta, bambae oli no moa mekem tabu nem blong mi i kam doti,+ tru long wok blong prostitut we oli mekem wetem ol narafala god,* mo tru long dedbodi blong ol king blong olgeta taem oli ded.

  • Hosea 2:23
    Baebol Long Niu Wol Translesen

    • 23 Bambae hem i kam olsem ol sid we mi saksakem long graon,+

      Mo bambae mi sore long hem, yes long woman ya we bifo oli no sore long hem,*

      Bambae mi talem long olgeta we oli no man blong mi se:* “Yufala i man blong mi,”+

      Mo olgeta bambae oli talem se: “Yu yu God blong mi.”’”+

  • Revelesen 21:3
    Baebol Long Niu Wol Translesen

    • 3 Nao mi harem wan bigfala voes we i kamaot long tron ya, i talem se: “!Yu luk! Tent blong God i stap wetem ol man, mo hem bambae i stap wetem olgeta, mo olgeta bambae oli kam ol man blong hem. Mo God nao bambae i stap wetem olgeta.+