19 Mo taem yufala i lukluk i go antap long heven mo yufala i luk san, mun, mo ol sta, hemia ol ami blong heven, yufala i no mas letem ol man oli trikim yufala, nao yufala i bodaon long olgeta blong mekem wosip long olgeta.+ Jehova we i God blong yufala, hem i givim ol samting ya long olgeta man we oli stap aninit long heven.

16 Olgeta oli gohed blong lego olgeta komanmen blong Jehova we i God blong olgeta, mo oli wokem tu smol buluk long aean*+ mo wan tabu pos,*+ mo oli bodaon long olgeta ami blong heven,+ mo oli mekem wosip long Bal.+

8 Jehova i talem se: “Long taem ya, ol bun blong ol king blong Juda, ol bun blong ol prins blong hem, ol bun blong ol pris, ol bun blong ol profet, mo ol bun blong olgeta we oli stap long Jerusalem, bambae ol man oli tekemaot long ol gref blong olgeta. 2 Bambae oli putum i stap olbaot long open ples long fes blong san mo mun mo ol ami blong heven, from we ol man ya oli lavem ol samting ya mo oli stap wok blong olgeta mo oli stap folem olgeta mo oli stap go lukaotem olgeta mo oli bodaon long olgeta.+ Bambae i no gat man i hivimap olgeta wanples, no i berem olgeta. Bambae oli stap olbaot long graon olsem sitsit blong animol.”+