2 “?Be hu i save stanap strong long dei we bambae hem i kam, mo hu bambae i naf blong stanap i stap taem hem i kamtru? From we bambae hem i olsem faea blong man blong klinim gol, mo olsem lae*+ blong ol man blong wasem klos. 3 Mo bambae hem i sidaon i stap olsem man blong klinim gol mo man blong klinim silva+ mo bambae i klinim ol boe blong Livae, mo bambae i mekem olgeta oli klia gud* olsem gol mo silva, mo bambae oli kam ol man blong Jehova, we oli stap givim ol ofring olsem presen i go long hem long stret fasin.