Ol Sam
Maskil.* Singsing blong Deved, long taem we hem i stap long hol blong ston.+ Wan prea.
142 Mi yusum voes blong mi blong singaot long Jehova blong i halpem mi.+
Mi yusum voes blong mi blong askem strong long Jehova blong i kaen long mi.
2 Long fes blong hem, mi talemaot ol wari blong mi,
Long fes blong hem, mi tokbaot samting we i mekem mi mi harem nogud+
Oli haedem wan trap blong kasem mi,
Long rod ya we mi stap wokbaot long hem.
5 O Jehova, mi singaot i kam long yu blong yu halpem mi.
Mi talem se: “Yu yu ples blong haed blong mi,+
Hemia nomo samting we mi gat long wol ya.”
6 Yu lesin gud long mi taem mi krae from help,
From we ol man oli daonem gud mi.
Plis yu tekemaot mi long ol man we oli stap ronem mi blong kilim mi,+
From we oli strong moa long mi.
7 Plis yu tekemaot mi* long prisen aninit long graon
Blong mi presem nem blong yu.
I gud ol stret man oli hivap raon long mi
From we yu yu mekem i gud tumas long mi.