Ol Sam
Long daerekta. Singsing blong Deved.
40 Mi mi putum hop blong mi i stap fulwan* long Jehova,
Mo hem i pusum sora blong hem i kam* long mi, mo i harem mi taem mi krae from help.+
2 Hem i pulumaot mi long wan hol we i gat bigfala noes,
I tekemaot mi long sofmad we i glis.
Mo i putum leg blong mi antap long wan bigfala ston.
Hem i mekem se mi stanap long ples we i sefgud.
3 Nao hem i putum wan niufala singsing long maot blong mi,+
Wan singsing blong presem God blong yumi.
Plante man bambae oli luk mo oli sapraes
Mo oli trastem Jehova.
4 Man we i trastem Jehova,
Mo i no dipen long ol stronghed, no long olgeta we oli no tru,* hem i glad.
5 O Jehova God blong mi,
Yu yu mekem plante samting,
Hemia ol gudgudfala wok blong yu, mo ol tingting we yu gat long mifala.+
I no gat wan narafala man we i sem mak long yu.+
Sipos mi traem talem mo mi tokbaot olgeta,
Bambae mi no save tokbaot evriwan, oli plante tumas.+
Yu yu no askem ol ofring we oli bon fulwan mo ol ofring blong sin.+
7 Nao mi talem se: “Yu luk, mi mi kam.
Oli tokbaot mi long skrol we oli raetem bifo.*+
8 O God blong mi, mi mi glad tumas* blong mekem wil blong yu,+
Mo loa blong yu i stap dip insaed long mi.+
9 Mi mi talemaot gud nius blong stret fasin, long bigfala kongregesen.+
!Yu luk! Mi mi no blokem maot blong mi,+
O Jehova, yu yu save gud samting ya.
10 Mi mi no kavremap stret fasin blong yu long hat blong mi.
Mi mi talemaot we oltaem yu stap holem promes blong yu, mo yu stap sevem man.
Mi mi no haedem fasin blong yu blong lavem man oltaem mo trutok blong yu, long bigfala kongregesen.”+
11 O Jehova, yu no stop blong sore long mi.
I gud fasin blong yu blong lavem man oltaem mo trutok blong yu, i lukaot gud long mi oltaem.+
12 Ol trabol we oli stap raon long mi, oli plante tumas blong kaontem.+
Ol mastik blong mi oli plante tumas, nao oli kavremap mi, mi no save luk rod blong mi.+
Oli plante moa i winim ol hea long hed blong mi,
Mo tingting blong mi i no moa strong.
13 O Jehova, plis yu mas glad nomo blong sevem mi.+
O Jehova, yu kam hariap blong halpem mi.+
14 Olgeta we oli stap lukaot mi blong tekemaot laef* blong mi
I gud yu mekem olgeta oli sem mo yu daonem olgeta.
Olgeta we oli glad from mi kasem trabol,
I gud oli sem nao oli ron i gobak.
15 I gud olgeta we oli stap talem long mi se: “!I gud ya! !I gud ya!”
Oli sek wantaem from sem blong olgeta bakegen.
I gud olgeta we oli laekem ol wok blong yu blong sevem man, oli talem oltaem se:
“I gud yumi presem Jehova.”+
17 Be i no gat man i halpem mi mo mi mi pua.
I gud Jehova i lesin gud long mi.
Yu nao yu stap halpem mi mo yu stap tekemaot mi long trabol.+
God blong mi, yu no wet.+