Ol Sam
Wan Singsing Blong Go Antap.
125 Olgeta we oli trastem Jehova+
Oli olsem Hil Ya Saeon we i no gat samting i save muvum
Be hem i stap olwe.+
2 Olsem we ol bigfala hil oli raonem gud Jerusalem,+
Long sem fasin, Jehova i blokem gud ol man blong hem+
I stat naoia i go mo blong olwe.
3 Septa* blong ol nogud fasin bambae i no stap oltaem long graon ya we oli makemaot se i blong ol stret man,+
Blong ol stret man bambae oli no tanemraon blong mekem* nogud samting.+
5 Be olgeta we oli tanemraon blong folem ol fasin nogud blong olgeta,
Jehova bambae i tekemaot olgeta wetem ol man we oli stap mekem ol fasin we i no stret.+
I gud i gat pis long Isrel.