Ol Sam
Singsing blong ol boe blong Kora.+ Wan singsing.
87 Fandesen blong taon blong hem i stap long ol bigfala hil we oli tabu.+
2 Jehova i lavem tumas ol get blong Saeon+
I winim olgeta tent blong Jekob.
3 O taon blong tru God, ol man oli stap talem ol gudfala samting long saed blong yu.+ (Selah)
4 Bambae mi kaontem Rahab+ mo Babilon wetem olgeta we oli save mi,*
I gat Filistia mo Taea wetem Kus tu.
Bambae ol man oli talem se: “Man ya nao i bon long ples ya.”
5 Mo bambae oli tokbaot Saeon se:
“Olgeta evriwan oli bon long hem.”
Mo Hae God bambae i mekem woman ya i stap strong.
6 Jehova bambae i talemaot long taem ya we oli stap raetemdaon nem blong ol man, se:
“Man ya nao i bon long ples ya.” (Selah)