Fas Buk Blong Kronikel
25 Mo tu, Deved wetem ol lida blong ol grup blong wok, oli seraotem sam long ol boe blong Asaf, Heman mo Jedutun,+ blong oli yusum ol hap, ol instramen we oli gat string,+ mo ol simbol,+ blong presem God mo talemaot ol profet tok. Lis blong ol man blong mekem wok ya i olsem: 2 Long ol boe blong Asaf, i gat Sakuru, Josef, Netania, mo Asarela. Ol boe blong Asaf oli wok aninit long Asaf, we i stap talemaot ol profet tok folem plan we king i putum. 3 Long ol boe blong Jedutun,+ i gat Gedalia, Sirae, Jesaea, Simei, Hasabia, mo Matitia,+ olgeta sikis. Olgeta ya oli stap aninit long papa blong olgeta Jedutun, we i stap yusum ol hap blong talem tangkiu long Jehova mo presem hem.+ 4 Long ol boe blong Heman,+ i gat Bukia, Matania, Usiel, Sebuel, Jerimot, Hanania, Hanani, Eliata, Gidalti, Romamtiesa, Josbekasa, Maloti, Hotiri, mo Mahasiot. 5 Olgeta evriwan ya oli ol boe blong Heman, wan man blong king we i stap luk ol vison blong ol samting long saed blong tru God, blong givim glori i go long hem,* nao tru God i givim 14 boe mo 3 gel long Heman. 6 Olgeta evriwan ya oli wok aninit long papa blong olgeta, blong singsing long haos blong Jehova. Wok we oli mekem long haos blong tru God, i blong plei long ol simbol, ol instramen we oli gat string, mo ol hap.+
Asaf, Jedutun mo Heman oli stap aninit long king.
7 Namba blong olgeta ya wetem ol brata blong olgeta we oli trengud blong singsing long Jehova, oli 288, mo olgeta evriwan oli savegud fasin blong singsing. 8 Nao olgeta evriwan, ol yangfala wetem ol olfala, olgeta we oli savegud fasin blong singsing, mo olgeta we oli stap lan yet, oli sakem ol spesel ston+ blong faenemaot wok we bambae oli mekem.
9 Faswan we ol spesel ston ya oli jusumaot, hemia Josef+ we i kamaot biaen long Asaf, sekenwan, Gedalia+ (hem wetem ol brata blong hem mo ol boe blong hem oli 12), 10 namba 3 Sakuru,+ ol boe blong hem mo ol brata blong hem, olgeta oli 12, 11 namba 4 Israe, ol boe blong hem mo ol brata blong hem, olgeta oli 12, 12 namba 5 Netania,+ ol boe blong hem mo ol brata blong hem, olgeta oli 12, 13 namba 6 Bukia, ol boe blong hem mo ol brata blong hem, olgeta oli 12, 14 namba 7 Jesarela, ol boe blong hem mo ol brata blong hem, olgeta oli 12, 15 namba 8 Jesaea, ol boe blong hem mo ol brata blong hem, olgeta oli 12, 16 namba 9 Matania, ol boe blong hem mo ol brata blong hem, olgeta oli 12, 17 namba 10 Simei, ol boe blong hem mo ol brata blong hem, olgeta oli 12, 18 namba 11 Asarel, ol boe blong hem mo ol brata blong hem, olgeta oli 12, 19 namba 12 Hasabia, ol boe blong hem mo ol brata blong hem, olgeta oli 12, 20 namba 13 Subael,+ ol boe blong hem mo ol brata blong hem, olgeta oli 12, 21 namba 14 Matitia, ol boe blong hem mo ol brata blong hem, olgeta oli 12, 22 namba 15 Jeremot, ol boe blong hem mo ol brata blong hem, olgeta oli 12, 23 namba 16 Hanania, ol boe blong hem mo ol brata blong hem, olgeta oli 12, 24 namba 17 Josbekasa, ol boe blong hem mo ol brata blong hem, olgeta oli 12, 25 namba 18 Hanani, ol boe blong hem mo ol brata blong hem, olgeta oli 12, 26 namba 19 Maloti, ol boe blong hem mo ol brata blong hem, olgeta oli 12, 27 namba 20 Eliata, ol boe blong hem mo ol brata blong hem, olgeta oli 12, 28 namba 21 Hotiri, ol boe blong hem mo ol brata blong hem, olgeta oli 12, 29 namba 22 Gidalti,+ ol boe blong hem mo ol brata blong hem, olgeta oli 12, 30 namba 23 Mahasiot,+ ol boe blong hem mo ol brata blong hem, olgeta oli 12, 31 namba 24 Romamtiesa,+ ol boe blong hem mo ol brata blong hem, olgeta oli 12.