Ol Sam
Long daerekta. Singsing blong Deved.
14 Man we i krangke,* i stap tingting se:
“I no gat Jehova.”+
Ol aksen blong olgeta i rabis olgeta, mo ol samting we oli mekem i nogud we i nogud.
I no gat wan i stap mekem i stret.+
2 Be Jehova i stap long heven, i stap lukluk i kamdaon long ol pikinini blong man,
Blong luk sipos i gat eni man we i gat hed, mo sipos i gat eni man we i stap lukaotem Jehova.+
3 Olgeta evriwan oli tanemraon, oli gowe finis long stret rod,+
Olgeta evriwan oli sem mak nomo, oli rabis olgeta.
I no gat wan man i stap mekem samting we i gud,
I no gat wan nating.
4 ?I no gat wan long ol man nogud ya i kasemsave?
Oli stap spolem ol man blong mi, olsem we oli stap kakae bred nomo.
Oli no singaot i go long Jehova.
5 Be bambae fraet i kilim nogud olgeta,+
From we Jehova i stap wetem jeneresen blong ol stret man.
6 Yufala we i stap mekem samting we i nogud, yufala i stap traem blong spolem ol plan blong man we i no gat nem,
Be Jehova i ples blong haed blong hem.+
7 !I gud man we bambae i sevem Isrel, i aot long Saeon i kam!+
Taem Jehova i tekembak ol man blong hem we oli stap kalabus,
I gud Jekob i glad, mo i gud Isrel i harem gud.