Ol Sam
Long daerekta. Blong plei folem Gitit.* Singsing blong Asaf.+
81 Yufala i glad, yufala i singsingaot long God we i paoa blong yumi.+
Yufala i singaot long God blong Jekob olsem man we i win.
2 Yufala i statem miusik mo yufala i holem wan tamborin,
Wan hap blong mekem miusik, wetem ol instramen we i gat string.
3 Yufala i bloem hon long taem blong niu mun,+
Mo long ful mun, long dei blong lafet blong yumi,+
4 From hem i wan loa blong Isrel,
Wan rul blong God blong Jekob.+
Mi harem wan voes* we mi no save:
6 “Mi tekemaot hevi baden long solda blong hem,+
Han blong hem i fri, i no moa holem basket.
7 Taem yu harem nogud mo yu singaot, mi tekemaot yu.+
Mi stap long klaod blong tanda,* mi ansa long yu.+
Mi traem yu long ol wota blong Meriba.*+ (Selah)
8 Ol man blong mi, yufala i lesin, mo bambae mi talemaot ol poen agensem yufala.
O Isrel, sipos yu lesin nomo long mi,+
9 Bambae i no gat wan narakaen god long medel blong yu,
Mo bambae yu no bodaon long wan god blong narafala kantri.+
10 Mi, Jehova, mi God blong yu,
Mi nao mi tekemaot yu long kantri ya Ijip.+
Yu openem gud maot blong yu, mo bambae mi fulumap.+
11 Be ol man blong mi oli no lesin long voes blong mi.
Isrel i no save putum hem wan aninit long mi.+
12 Ale mi letem olgeta oli folem rabis hat blong olgeta.
Oli stap mekem samting we oli ting se i stret.*+
13 Sipos ol man blong mi oli save lesin nomo long mi,+
Sipos Isrel i save folem ol rod blong mi,+
14 Bambae mi save winim ol enemi blong olgeta kwiktaem,
Mo mi save letem han blong mi i go agensem ol enemi blong olgeta.+
15 Olgeta we oli no laekem Jehova, bambae oli sem taem oli kam long fes blong hem,
Mo samting we i kasem olgeta,* bambae i stap olwe.