Josua

15 Oli yusum spesel ston blong faenemaot graon+ we oli givim long ol famle long traeb blong Juda. Graon ya i bigwan kasem boda blong Edom,+ i go kasem draeples long Jin mo i go kasem en blong Negeb long saot. 2 Long saot, boda blong olgeta i stat long en blong Sol Si,*+ hemia long bei blong hem long saed i go long saot. 3 Mo i folem rod we i go antap long Akrabim,+ i gokros i kasem Jin, mo i stat long saot i go antap kasem Kadesbanea+ i gokros i kasem Hesron, mo i go antap long Adara mo i tanemraon i go long Kaka. 4 Mo i pas i go long Asmon+ mo i go kasem Wadi* Long Ijip,+ mo boda ya i go finis long Solwota.* Hemia nao boda blong olgeta long saot.

5 Long is, boda blong olgeta i stat long Sol Si* i go antap kasem Jodan Reva. Mo long not, boda blong olgeta i stat long kona, klosap long ples we Jodan Reva i kam joen long Sol Si.+ 6 Mo i go antap kasem Betogla+ i gokros long Betaraba+ long not, mo i go antap kasem ston blong Bohan+ we i boe blong Ruben. 7 Mo i go antap kasem Debiri long Vali* Blong Akoro,+ mo i tanem i go long Gilgal+ long not, long saed we i fesem rod we i go antap long Adumim, hemia long saot blong wadi, mo i gokros i kasem ol wota long Ensemes,+ mo i go finis long Enrogel.+ 8 Mo boda ya i go antap kasem Vali Blong Boe Blong Hinom,+ i go kasem saed blong hil blong ol man Jebus+ long saot, hemia Jerusalem.+ Mo i gohed kasem top blong bigfala hil ya we i fesem Vali Blong Hinom long wes. Bigfala hil ya i stap long en blong Vali* Long Refaem long not. 9 Mo i stat long top blong bigfala hil ya, i go kasem ol wota blong Neftoa,+ mo i go kasem ol taon long Hil Ya Efron. Mo i go finis long Bahala we hemia Kiriatsearim.+ 10 Mo i stat long Bahala i pasraon i go kasem Hil Blong Seiri long wes, mo i gokros i kasem saed blong Hil Ya Jearim long not, hemia Kesalon. Mo i godaon kasem Betsemes,+ i gokros i kasem Timnaha.+ 11 Mo boda ya i go kasem saed blong hil long Ekron+ long not, mo i go finis long Sikeron. Mo i stat long ples ya i gokros i kasem Hil Ya Bahala, mo i go kasem Jabnehel mo i go finis long solwota.

12 Long wes, boda blong olgeta i stat long Big Si,*+ mo i pas folem saed blong hem i go. Hemia nao boda we i makem ol graon blong ol famle long laen blong Juda.

13 Nao Josua i mekem olsem we Jehova i talem long hem. Hem i makemaot wan ples long graon blong ol laen blong Juda, mo i givim long Keleb+ boe blong Jefune. Ples ya hem i Hebron+ we fastaem hemia Kiriataba. Aba i papa blong Anak. 14 Ale Keleb i ronemaot trifala boe blong Anak+ long ples ya. Ol boe ya hemia Sesae, Ahiman, mo Talmae+ we oli kamaot biaen long Anak. 15 Biaen hem i aot long ples ya i go faet agensem ol man Debiri.+ (Bifo nem blong Debiri hem i Kiriatsefa.) 16 Nao Keleb i talem se: “Man we i go faet agensem ol man Kiriatsefa mo i winim olgeta, bambae mi givim gel blong mi Aksaha long hem, blong i kam waef blong hem.” 17 Ale Otniel+ boe blong Kenas+ we i brata blong Keleb i winim olgeta. Nao Keleb i givim gel blong hem Aksaha,+ blong i kam waef blong hem. 18 Taem Aksaha i stap gohom, hem i fosem hasban blong hem blong i go askem wan graon long papa blong hem.* Ale Aksaha i kamdaon long dongki blong hem.* Nao Keleb i askem long hem se: “?Yu wantem wanem?”+ 19 Ale Aksaha i talem se: “Plis yu givim wan samting long mi olsem wan blesing, from we yu yu givim wan pis graon long mi finis long saot.* Be mi wantem se yu givim Gulot-maem* long mi tu.” Nao hem i givim Gulot Antap mo Gulot Daon long hem.

20 Hemia ol graon we ol famle long laen blong Juda oli holem i blong olgeta.

21 Ol taon we oli stap long graon blong ol man Juda long saot, long en olgeta klosap long boda blong ol man Edom,+ i gat: Kabjehel, Eda, Jaguru, 22 Kina, Dimona, Adada, 23 Kedes, Hajoro, Jitnan, 24 Sif, Telem, Bealot, 25 Hajohadata, mo Keriotesron hemia Hajoro, 26 Amam, Sema, Molada,+ 27 Hajagada, Hesmon, Betpelet,+ 28 Hajasual, Bereseba,+ Bisiotia, 29 Bahala, Ijim, Ejem, 30 Eltolad, Kesil, Homa,+ 31 Jiklag,+ Madmanaha, Sansanaha, 32 Lebaot, Silim, Aen, mo Rimon.+ I gat 29 taon evriwan wetem ol vilej raonabaot.

33 Long Sefela+ i gat: Estaol, Joraha,+ Asnaha, 34 Sanoa, Enkanim, Tapua, Enam, 35 Jamut, Adulam,+ Soko, Aseka,+ 36 Saharaem,+ Aditaem, Gederaha, mo Gederotaem.* I gat 14 taon evriwan wetem ol vilej raonabaot.

37 Jenan, Hadasa, Migdalgad, 38 Dilean, Mispe, Joktehel, 39 Lakis,+ Boskat, Eglon, 40 Kabon, Lamas, Kitlis, 41 Gederot, Betagon, Nahama, mo Makeda.+ I gat 16 taon evriwan wetem ol vilej raonabaot.

42 Libnaha,+ Eta, Asan,+ 43 Ifta, Asnaha, Nejib, 44 Kehila, Aksib, mo Maresa. I gat naen taon evriwan wetem ol vilej raonabaot.

45 Ekron wetem ol taon we oli dipen* long hem mo ol vilej raonabaot. 46 Mo evri taon mo vilej raonabaot, stat long wes saed blong Ekron i go kasem klosap long Asdod.

47 Asdod+ wetem ol taon we oli dipen* long hem mo ol vilej raonabaot. Gasa+ wetem ol taon we oli dipen long hem mo ol vilej raonabaot, i godaon kasem Wadi Long Ijip, Big Si* mo rijen klosap long hem.+

48 Mo long rijen blong ol hil, i gat Samiri, Jatiri,+ Soko, 49 Danaha, Kiriatsefa we hemia Debiri, 50 Anab, Estemoho,+ Anim, 51 Gosen,+ Holon, mo Gilo.+ I gat 11 taon evriwan wetem ol vilej raonabaot.

52 Arebia, Dumaha, Esan, 53 Janim, Tapua, Afeka, 54 Humtaha, Kiriataba we hemia Hebron,+ mo Jioro. I gat naen taon evriwan wetem ol vilej raonabaot.

55 Maon,+ Kamel, Sif,+ Jutaha, 56 Jisrehel, Jokdeam, Sanoa, 57 Kenae, Gibea, mo Timnaha.+ I gat ten taon evriwan wetem ol vilej raonabaot.

58 Halhul, Betjuru, Gedoro, 59 Maharat, Betanot, mo Eltekon. I gat sikis taon evriwan wetem ol vilej raonabaot.

60 Kiriatbal we hemia Kiriatsearim,+ mo Raba. I gat tu taon wetem ol vilej raonabaot.

61 Long draeples i gat Betaraba,+ Midin, Sekaka, 62 Nibsan, Taon Blong Sol, mo Enkedi.+ I gat sikis taon evriwan wetem ol vilej raonabaot.

63 Be ol man Jebus+ we oli stap long Jerusalem,+ ol man Juda oli no naf blong ronemaot olgeta.+ Taswe ol man Jebus oli stap nomo long Jerusalem wetem ol man Juda kam kasem tede.