Ol Sam
Long daerekta. Blong sing wetem ol instramen we i gat string. Singsing blong Asaf.+ Wan miusik.
76 Ol man long Juda oli save God.+
Long Isrel, nem blong hem i hae we i hae.+
3 Long ples ya, hem i brekem ol ara we i gat faea long hem,
Mo sil, mo naef blong faet, mo ol tul blong faet.+ (Selah)
4 Yu yu saen we yu saen.*
Yu yu hae moa long ol bigfala hil blong ol animol.
5 Olgeta we oli gat strong tingting, ol man oli tekemaot olting blong olgeta finis.+
Naoia oli slip ded,
Ol strong man blong faet oli no moa gat paoa.+
6 O God blong Jekob, taem yu tok strong,
Ol hos wetem ol man blong ron long jariot, oli slip we oli slip ded.+
7 Yu nomo yu nambawan olgeta.+
?Hu i save stanap i stap taem yu kros bitim mak?+
8 Yu yu stap long heven nao yu talemaot jajmen.+
Wol i fraet mo i stap kwaet+
9 Taem God i girap blong mekem jajmen blong hem i kamtru,
Blong sevem olgeta man long wol we oli gat tingting daon.+ (Selah)
10 From taem man i kros, hemia bambae i leftemap nem blong yu,+
Bambae yu flasem yu long ol lashaf blong kros blong olgeta.
11 Yufala i mekem ol promes blong yufala long Jehova God blong yufala, mo yufala i mekem olgeta,+
I gud evriwan we oli stap raonabaot long hem oli karem presen blong olgeta i kam long hem, we oli soemaot se oli fraet.+
12 Bambae hem i daonem flas tingting* blong ol lida,
Bambae hem i mekem ol king blong wol oli fraet.