Ol Sam
Long daerekta. Blong plei folem “Yu No Spolem.” Singsing blong Asaf.+
75 Mifala i talem tangkiu long yu God, mifala i talem tangkiu long yu.
Nem blong yu i stap klosap,+
Mo ol man oli stap talemaot ol gudfala wok blong yu.
2 Yu yu talem se: “Taem mi makem wan taem blong mekem jajmen,
Mi jajem man long stret fasin.
3 Taem we wol mo evri samting we oli laef long hem oli lus,
Mi nao mi holem ol pos blong hem oli stap strong.” (Selah)
4 Mi talem long ol man blong tok flas se: “Yufala i no tok flas,”
Mo long ol man nogud se: “Yufala i no leftemap paoa* blong yufala.
6 From fasin blong leftemap man i no kamaot
Long is, no long wes, no long saot.
7 From we God nao hem i Jaj.+
Hem i stap putumdaon wan man mo i stap leftemap narawan.+
8 From i gat wan kap long han blong Jehova,+
Waen insaed long hem i fulap long babol mo i miks gud.
Bambae hem i mas kafsaedem waen ya,
Mo olgeta man nogud long wol bambae oli dring we oli finisim ol laswan we i stap long botom.”+
9 Be mi, bambae mi talemaot samting ya olwe,
Bambae mi singim ol sing blong presem* God blong Jekob.