Mekem Famle Laef Blong Yumi i Hapi

TAEM wan sik woman long Saot Karolaena, Yunaeted Stet, i sanem traket ya Haremgud Long Famle long wan nes we i bin lukaot long hem long hospital, nes ya i telefon long hem blong talem tangkyu from traket ya. Nes ya i talem se, hem i soem traket ya long hasban blong hem, mo tufala i glad tumas blong ridim tugeta. Hem i talem tu se, tufala i sapraes we i gat wan samting olsem traket ya, we i fulap long ol gudfala advaes blong halpem ol famle, we ol man oli save kasem.

Sik woman ya i eksplenem se: “Nes ya i talem long mi se, ol save long traket ya oli stret long ol samting we hem mo hasban blong hem, tufala i bin tokbaot. Hemia long saed blong ol samting we oli stret mo oli gud long famle. Be tufala i ting se, i no gat wan buk no wan traket we i stap tokbaot ol poen ya. Blong finisim toktok blong hem long telefon, nes ya i talem se, hem i stap karem smol traket ya long evri ples we hem i go long hem, mo i stap ridim plante taem bakegen. Hem i plis long mi se, sipos mi gat sam narafala buk long saed blong famle laef, mi mas soem long hem.”

Sik woman ya i sanem buk ya ?Olsem Wanem Blong Mekem Famle Blong Yu i Hapi? long nes ya, mo i mekem plan blong visitim hem blong store wetem hem. Maet yu tu, yu wantem ol save ya blong halpem yu blong mekem famle laef blong yu i hapi moa. Sipos yu wantem kasem ol buk ya, Haremgud Long Famle mo ?Olsem Wanem Blong Mekem Famle Blong Yu i Hapi? no yu wantem wan fri Baebol stadi long haos blong yu, plis raet long Association “Les Témoins de Jéhovah,” B.P. 787, Nouvelle-Calédonie.