Long Wan Stoa We i Pem Mo Salem Ol Olfala Buk

HEMIA nao ples we wan yangfala long Chennai, India, we i toktok lanwis Tamil, i faenem Wekap! blong Ogis 8, 1999. Hem i ridim wetem sam narafala Wekap! we hem i kasem, nao hem i raetem leta i kam long hed ofis blong ol Witnes blong Jeova long India, blong talemaot tingting blong hem long saed blong ol magasin ya.

Hem i raetem se: “Wekap! i wan magasin we i naes tumas, mo i givim plante save we yumi save yusum. Ol samting we hem i tokbaot oli givhan bigwan. !Tangkiu tumas!”

Nao yangfala ya i talem se: “Magasin ya we i fulap long waes, mo we i kasem olgeta ples blong wol, mi wantem se hem i stap long haos blong mi oltaem. Mi ridim finis sam long ol magasin ya, mo mi wantem kasem ol wanwan magasin we oli kamaot long fiuja.”

Ol tok long pej 4 blong Wekap! oli eksplenem se magasin ya i givim save long saed blong plante samting. Hem i talemaot wok blong magasin ya i se: “Samting we i impoten moa, hemia: Niuspepa ya i pulum ol man blong trastem promes blong God blong wokem wan niufala wol we pis mo seftaem nomo bambae i stap long hem. Niufala wol ya bambae i tekem ples blong ol rabis fasin, mo ol fasin blong brekem loa, we oli stap naoia.”

Wan buk we i gat 32 pej blong hem, nem blong hem ?Wanem Samting We God i Wantem Yumi Blong Mekem? i tokbaot stamba tingting ya blong God. Hem i givim save blong Baebol long yumi, mo i soemaot wanem we yumi mas mekem blong God i glad long yumi. Yu save kasem buk ya sipos yu fulumap smol bokis long pej ya, mo sanem i kam long adres we i stap, no long wan adres long pej 5 we i klosap long ples blong yu.

□ Plis sanem smol buk ya ?Wanem Samting We God i Wantem Yumi Blong Mekem?

□ Plis, mi mi wantem se man i kam luk mi blong mekem Baebol stadi wetem mi we mi no pem.