Back Cover

PLAN blong famle i olfala moa i bitim ol narafala plan we man i save long olgeta, be tede ol famle oli stap kasem bigfala trabol. I gat fulap problem, olsem, ol yangfala we oli tekem drag mo slip olbaot, divos, mo raf fasin insaed long famle. Mo tu, namba blong ol famle we papa no mama hem wan i lukaot long olgeta, i stap kam antap bitim mak. Ol samting ya wetem ol narafala bigfala problem, oli mekem plante man oli tingting se maet bambae famle laef i save lus olgeta.

?I gat rod blong famle i stanap strong oltaem, we ol wanwan memba blong hem oli haremgud long kea mo kaengud fasin blong ol narafala long famle? Yes i gat, sipos olgeta long famle oli save spesel rod blong mekem famle i hapi. Spesel rod ya i no stap haed. Blong plante handred yia finis, plante man oli bin folem rod ya, mo oli pruvum se rod ya i wokgud. ?Wanem ya rod ya? Buk ya, Spesel Rod Blong Mekem Famle i Hapi, i ansarem kwestin ya. Mo tu, hem i tokbaot ol trufala samting we oli bin kamaot long laef blong samfala man, we i soem se “spesel rod ya” i bin givhan blong stretem trabol long plante famle. I sua se, tede, yumi evriwan i nidim save ya.