Tingting Daon
?Wanem tingting blong Jehova long olgeta we oli gat tingting daon mo olgeta we oli praod?
Sam 138:6; Pro 15:25; 16:18, 19; 22:4; 1Pi 5:5
Yu save luk Pro 29:23; Aes 2:11, 12
Ol stori long Baebol:
2Kr 26:3-5, 16-21—King Usia i kam praod, nao i brekem Loa blong God mo i kros taem ol pris oli stretem hem, taswe God i panisim hem mo i mekem hem i kasem leprosi
Lu 18:9-14—Jisas i yusum wan parabol blong eksplenem filing we Jehova i gat long prea blong man we i flas mo blong man we i gat tingting daon
?Jehova i stap mekem wanem long olgeta we oli gat tingting daon mo oli rili tanem tingting blong olgeta?
2Kr 7:13, 14; Sam 51:2-4, 17
Ol stori long Baebol:
2Kr 12:5-7—King Rehoboam mo ol prins blong Juda oli mekem tingting blong olgeta i stap daon, nao Jehova i no spolem olgeta
2Kr 32:24-26—Gudfala king ya Hesekia i kam praod, be taem hem i mekem tingting blong hem i stap daon, Jehova i fogivim hem
Taem yumi gat tingting daon, ?olsem wanem hemia i halpem yumi blong fren gud moa wetem ol narafala?
Ef 4:1, 2; Fil 2:3; Kol 3:12, 13
Ol stori long Baebol:
Je 33:3, 4—Jekob i gat tingting daon taem hem i go mitim brata blong hem Esao we i kros long hem, nao hemia i mekem se tufala i gat pis
Ja 8:1-3—Jaj ya Gideon i gat tingting daon mo i talem long ol laen blong Efrem se oli hae moa long hem, nao oli no moa kros long hem mo faet agensem hem
?Olsem wanem Jisas i soemaot se i impoten blong gat tingting daon?
Mt 18:1-5; 23:11, 12; Mk 10:41-45
Ol stori long Baebol:
Aes 53:7; Fil 2:7, 8—Olsem we ol profet tok oli tokbaot, Jisas i gat tingting daon, nao i rere blong kam long wol mo ded long wan fasin we i nogud mo we i daonem hem long fored blong ol narafala
Lu 14:7-11—Jisas i tokbaot fasin blong sidaon long ples we i beswan long wan lafet, blong tijim yumi from wanem i gud blong gat tingting daon
Jon 13:3-17—Jisas i soemaot wan gudfala eksampol blong gat tingting daon taem hem i wasem leg blong ol aposol blong hem