Singel; No Mared
?From wanem yumi save talem se fasin blong stap singel i wan presen?
?From wanem i no stret blong traem pulum wan Kristin we i singel blong i mared?
Ol stori long Baebol:
Ro 14:10-12—Aposol Pol i eksplenem from wanem i no stret blong jajem wan narafala Kristin
1Ko 9:3-5—Aposol Pol i save jusum blong mared, be hem i stap singel blong i naf blong mekem moa long wok blong Jehova
?I stret blong olgeta we oli singel oli ting se oli mas mared blong gat wan gudfala laef?
Ol stori long Baebol:
Ja 11:30-40—Nating se gel blong Jeftaha i no mared, be yet hem i gat wan gudfala laef
Wok 20:35—Ol tok blong Jisas oli soemaot se nating se hem i singel, be hem i glad from we hem i stap givhan long ol narafala
1Te 1:2-9; 2:12—Aposol Pol we hem tu i no mared, i tokbaot glad we hem i kasem taem hem i givhan long plante moa man blong oli save Jehova
?From wanem olgeta we oli singel tu oli mas stap klin long fasin blong olgeta?
1Ko 6:18; Ga 5:19-21; Ef 5:3, 4
Ol stori long Baebol:
Pro 7:7-23—King Solomon i tokbaot nogud frut we i kamaot, taem wan yang man i letem wan prostitut i pulum hem blong slip wetem hem
Sng 4:12; 8:8-10—Ol narafala oli presem gel Sulam from we hem i folem ol loa blong Jehova long saed blong klin fasin
?Wetaem i moa waes blong wan we i singel i tingbaot blong mared?
Yu save luk 1Te 4:4, 5