Ol Woman God Blong Seks Mo Faet

TRAEM ol man we oli stap digim graon blong faenem ol samting blong bifo oli wok long Ebla, long Siria, oli faenem wan pija blong bifo. Hem i pija blong Ista, woman god blong seks mo faet, blong ol man Babilon. Paolo Matthiae, wan man we i stap digim graon blong faenem ol samting blong bifo, i talem se samting ya i raon olsem wan “paep, mo i gat wan pija long hem long saed blong wosip. Pija ya i soemaot wan woman pris we i kavremap hed blong hem, mo i stanap fored long pija blong wan god . . oli fasem hed blong god ya long wan longfala pos.”

Samting ya blong bifo i impoten, from we hem i blong ol yia kolosap long 1800 B.K.T.a Matthiae i talem se samting ya “i pruvum fulwan” se wosip blong Ista i bin gohed blong kolosap 2,000 yia.

Wosip blong Ista i stat long Babilon. Mo long ol handred yia we oli kam biaen, hem i go long olgeta ples we gavman blong Rom i rul long olgeta. Jeova i givim oda long ol man Isrel blong spolem evri samting we i joen wetem ol gyaman skul long Promes Lan. Be oli no mekem samting ya. Taswe, oli foldaon long trap ya blong wosip long Astoret (woman god blong ol man Kenan we i sem mak long Ista).​—Dutronome 7:​2, 5; Jajes 10:6.

Nating se Ista mo Astoret, tufala i no moa stap naoia, ol fasin we oli joen wetem tufala​—fasin nogud long saed blong seks mo raf fasin​—oli kam antap tumas. Maet yumi save askem sipos ol man blong naoia, oli defren long olgeta ya blong bifo, we oli wosipim ol woman god blong seks mo faet, no no gat.

[Futnot]

[Tok Blong Pija Long Pej 20]

Oli givim ol pikinini tu olsem sakrifaes long Tanit

[Credit Line]

Ralph Crane/Bardo Museum