Tiokratik Nyus

◆ Korea: Long Disemba, namba blong ol pablisa i kasem 58, 537 wan namba we kantri ya i neva kasem bifo. (Hemia namba 27 taem we namba ya i go antap.)

◆ Reunion: Namba blong ol pablisa long Disemba i gru long 10 % mo hem i kasem 1, 714.

◆ Sambia: Ol man blong kantri ya oli glad tumas long buk ya, Young People Ask. Wan program i kamaot long radyo blong ples ya mo program ya i karem nem blong buk blong yumi. Ol man we oli ogenaesem oli talemaot se ol samting we oli tokbaot i kamaot long buk ya mo long magasin Wekap!

◆ Long Maj 14, 1990, Ripablik blong Is Jemani i raetemdaon wan pepa blong talem se gavman i agri se Ol Wetnes Blong Jeova oli wan jyos blong kantri ya mo oli fri nomo blong mekem wosip blong ol. Jeova i givhan bigwan long ol brata blong yumi blong Is Jemani taswe naoia, long fored blong evri man oli wok strong blong mekem minista wok blong olgeta.