Tiokratik Nyus

Dominikan Ripablik: I gat 26,150 man oli go long ol sikis distrik asembli blong olgeta, mo 585 man (2.2%) oli tekem baptaes.

Hong Kong: Nating se long manis Julae hem i hot tumas, be ol brata oli traehad long wok blong prij. Oli kasem nyufala namba blong 2,305 pablisa, mo 71 man oli tekem baptaes.

Japan: Long 1991 distrik asembli blong olgeta, ripot i soemaot se oli gat nyufala namba hemia, 289,206 man we oli kam long asembli ya mo 4,851 man oli tekem baptaes. Long Julae, oli kasem nyufala namba blong 158,627 pablisa, hemia 11% antap long ripot blong las yia.

Myanma: Long Julae oli kasem trabol from bigfala wora we i ron, nating se i olsem, olgeta oli kasem nyufala namba blong 1,810 pablisa.

Filipin: Ol man oli stap givhan yet long ol man we oli kasem trabol from volkeno blong Maont Pinatubo. I no longtaem, bigfala ren i foldaon mo plante sofmad i stap ron, ol brata we bifo oli no kasem hadtaem naoia olgeta tu oli kasem. Ol brata oli glad tumas from help we oli stap kasem, long Septemba sam ples i nogud bitim trabol we volkeno i mekem fastaem.